Terrorçu PKK-dan Rusiya istehsalı olan hava hücumundan müdafiə raketləri aşkarlanıb

Bakı. 11 may. REPORT.AZ/ Türkiyənin Şırnak əyalətinin Bestler-Dereler rayonunda aparılan antiterror əməliyyatı nəticəsində terrorçu PKK qruplaşmasının gizləndiyi mağardan Rusiya istehsalı olan “SA-16” hava hücumunda müdafiə raketi aşkarlanıb.

“Report” “ajanshaber”ə istinadən xəbər verir ki, bu silahdan çiyinə qoyularaq istifadə olunur. Terrorçular bu silahdan Türkiyə ordusunun helikopterlərinin vurmaq məqsədi ilə istifadə edir.

Qeyd edək ki, bu yaxınlarda terrorçu İŞİD qruplaşmasının silahlılarının Rusiya istehsalı olan müasir tipli elektron gecəgörmə cihazından istifadə etdikləri haqqında məlumat yayılıb.