TBMM sədri: Suriyada hakimiyyəti ələ keçirən müxalif qruplar xalqın etimadını qazanmalıdırlar

Türkiyə Böyük Millət Məclisinin (TBMM) sədri Numan Kurtulmuş Suriya üçün perspektiv prioriteti açıqlayıb.

“Report” “Anadolu”ya istinadən xəbər verir ki, o, bu barədə TBMM-in iclasında danışıb.

N.Kurtulmuş bildirib ki, bundan sonra əsas məsələlərdən biri Suriyada sabitliyin tam təmin olunmasıdır:

“Bunun üçün müxalif qruplar xalqın etimadını qazanmalıdır. Şübhəsiz, Türkiyənin əsas məqsədlərindən biri uzun illərdir ki, ölkəmizdə qonaq etdiyimiz mühacirlərin təhlükəsiz və ləyaqətli şəkildə geri dönüşünü təmin etməkdir”.

O, həmçinin hakimiyyəti ələ keçirən müxalif qruplara müraciət edərək deyib ki, bundan sonra arxayınlaşaraq düşünülməmiş, sabitliyi poza biləcək addımlardan çəkinmək lazımdır.