Rusiya Ukraynanın mərkəz vilayətini atəşə tutub, ölən və yaralananlar var

Rusiya Silahlı Qüvvələrinin Ukraynanın Vinnıtsia vilayətinə dron hücumu nəticəsində bir nəfər ölüb, dörd nəfər yaralanıb.

“Report” xəbər verir ki, bu barədə regionun hərbi administrasiyasının başçısı Serhiy Borzov teleqramda bildirib.

“Vinnıtsia vilayətində düşmənin hava hücumu nəticəsində 4 nəfər xəstəxanaya yerləşdirilib. Təəssüf ki, bir nəfər ölüb”, – o qeyd edib.

Vilayət rəhbəri dağıntıların ayırd edilməsi işlərinin davam etdiyini vurğulayıb.

Xatırladaq ki, Rusiya Silahlı Qüvvələrinin 2022-ci il iyulun 14-də Ukraynanın Vinnıtsia şəhərinə həyata keçirdiyi raket hücumu nəticəsində 27 nəfər ölmüş, 183 nəfər yaralanmışdı.