Rusiyada koronavirusa yoluxanların sayı 818 120 nəfərə çatıb

Rusiyada son bir gündə daha 5 635 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 818 120 nəfərə çatıb.

Ölkədə virusdan ölənlərin sayı isə daha 85 nəfər artaraq 13 354-ə yüksəlib.

Bundan başqa, Rusiyada indiyədək koronavirusa yoluxan 603 329 nəfər sağalıb.

Bildirilib ki, yeni yoluxmaların əksəriyyəti paytaxt Moskvada aşkarlanıb – 694 nəfər.