Rusiyada hərbi təyyarə qəzaya uğrayıb

Moskva vilayətində təlim zamanı qəzaya uğrayan "İL-112V" hərbi-təlim təyyarəsinin ekipaj komandiri Rusiya Qəhrəmanı olub.

"Report" "RİA Novosti"yə istinadən xəbər verir ki, qəzaya uğrayan təyyarənin komandiri əməkdar pilot, Rusiya Qəhrəmanı Nikolay Kuimov olub.

Məlumatda həmçinin göyərtədəki bütün ekipaj üzvlərinin öldüyü qeyd olunub.

13:07

Rusiyanın Moskva vilayətində "İL-112V" markalı hərbi-nəqliyyat təyyarəsi təlim zamanı qəzaya uğrayıb.

"Report" xəbər verir ki, bu barədə "Rostex" dövlət korporasiyasının mətbuat xidməti məlumat yayıb.

Bildirilib ki, hadisə zamanı göyərtədə 3 nəfər olub.

"Onların taleyi dəqiqləşdirilir", - məlumatda qeyd olunub.

Qəzanın səbəbləri araşdırılır.