Rusiya Xarkovdakı polis binasını vurub, 40 nəfər yaralanıb

Rusiya Silahlı Qüvvələrinin Ukraynanın Xarkov şəhərindəki polis binasına zərbə endirməsi nəticəsində bir nəfər ölüb, 40 nəfər yaralanıb.

“Report” xəbər verir ki, bu barədə Ukrayna polisi məlumat yayıb.

“Saat 22:00-a olan məlumata görə, şəhərə raket hücumu nəticəsində bir polis ölüb, daha 30 polis əməkdaşı, bir xilasedici və 9 mülki şəxs yaralanıb”, – məlumatda diqqətə çatdırılıb.

Qeyd olunub ki, polis məntəqəsi S-400 raketləri ilə vurulub.