Rusiya və Ukrayna müvəqqəti atəşkəslə bağlı razılığa gəlib

“Ukrayna və Rusiya nümayəndə heyətləri atəşkəsin mümkün müvəqqəti dayandırılması barədə razılığa gəliblər”.

"Report" “TASS”a istinadən xəbər verir ki, bunu Ukrayna Prezident Aparatı rəhbərinin müşaviri Mixail Podolyak bildirib.

Onun sözlərinə görə, tərəflər əsasən humanitar aspektləri müzakirə ediblər:

“Vətəndaşların evakuasiyası, ərzaq və dərmanların çatdırılması üçün humanitar dəhlizlərin təmin edilməsinə dair razılığa gəlinib”.

Danışıqların üçüncü mərhələsinin yaxın günlərdə baş tutacağı bildirilir.