On gün əvvəl itərək qəzaya uğrayan təyyarədən 1 nəfər sağ çıxıb

Rusiyanın Yakutiya Respublikasında “An-2” təyyarəsinin qəzaya uğradığı yerdə 2 nəfərin meyiti çıxarılıb.

“Report” TASS-a istinadən xəbər verir ki, bu barədə regionun başçısı Aysen Nikolayev məlumat verib.

Onun sözlərinə görə, 10 gün əvvəl qəzaya uğrayan təyyarədən 1 nəfər sağ çıxa bilib.

11:40

Rusiyanın Yakutiya Respublikasında radardan itərək qəzaya uğrayan “An-2” təyyarəsi tapılıb.

“Report” xəbər verir ki, bu barədə “Qütb Hava Yolları”nın mətbuat xidməti məlumat yayıb.

Qeyd edək ki, “An-2” təyyarəsi iyunun 21-də radardan itib. Onun göyərtəsində 2 ekipaj üzvü, 1 sərnişin, həmçinin 1 ton yük olub.