Putin: İrandakı vəziyyətə baxmayaraq, Buşehr AES-də işləri davam etdiririk

Rusiya İran ətrafında yaranmış çətin vəziyyətə baxmayaraq, Buşehrdəki nüvə reaktoru üzərində işləri davam etdirir.

"Report" Rusiya mətbuatına istinadən xəbər verir ki, bunu Rusiya Prezidenti Vladimir Putin Sankt-Peterburq Beynəlxalq İqtisadi Forumunun plenar iclasında deyib.

"Biz İran ətrafında vəziyyətin mürəkkəbliyinə baxmayaraq, İranda, Buşehrdə nüvə reaktoru tikmişik. Biz daha iki nüvə reaktorunun tikintisinə dair müqavilə imzalamışıq. Təhlükəyə baxmayaraq, işi davam etdiririk", - o bildirib.

Putin həmçinin qeyd edib ki, ABŞ prezidenti Donald Tramp Rusiyanın Buşəhr AES-də rus işçilərinin təhlükəsizliyi ilə bağlı tələbini dəstəkləyəcəyinə söz verib.