Putin BRICS ölkələri arasında əməkdaşlığın əsas istiqamətlərini açıqlayıb

Rusiya Prezidenti Vladimir Putin BRICS ölkələri arasında əməkdaşlığın üç əsas istiqamətini açıqlayıb və yeni üzv ölkələrin birliyin fəaliyyətinə inteqrasiyası üzrə görülən işləri qeyd edib.

"Report" Rusiya KİV-ə istinadən xəbər verir ki, o, bunu BRICS ölkələrinin məhdud tərkibli iclasında deyib.

“Biz üç əsas istiqamətdə: siyasət və təhlükəsizlik, iqtisadiyyat və maliyyə, mədəni və humanitar əlaqələr sahəsində dövlətlərimizin çoxşaxəli əməkdaşlığının dərinləşməsinə hər cür töhfə vermişik”, - o bildirib.

Putin qeyd edib ki, yeni iştirakçı ölkələrin birliyin işinə rahat və mümkün qədər tam inteqrasiyasını təmin etmək üçün çox işlər görülür.