Peskov Rusiyanın yeni əraziləri ələ keçirmək istəyib-istəməməsinə aydınlıq gətirib

Rusiya ilhaq edilmiş bölgələrdən başqa, Ukraynanın heç bir regionunu ələ keçirmək niyyətində deyil.

“Report” xəbər verir ki, bu barədə Rusiya Prezidentinin sözçüsü Dmitri Peskov “The New York Times”ın müvafiq sualını cavablandırarkən danışıb.

“Yox. Biz sadəcə olaraq indi Konstitusiyamızda bizim torpaqlarımız kimi yazılmış bütün o ərazilərə nəzarət etmək istəyirik”, - o qeyd edib.

Xatırladaq ki, 2014-cü ildə Rusiyanın Konstitusiyasında regionlar siyahısına Krım, 2022-ci ildə qondarma Donetsk və Luqansk “xalq respublikaları”, həmçinin Xerson və Zaporojye vilayətləri daxil edilib.

Son iki bölgənin inzibati mərkəzləri – Xerson və Zaporojye Ukraynanın nəzarətindədir.