Paşinyan Trampla regional məsələləri müzakirə edib

Ermənistanın baş naziri Nikol Paşinyan ABŞ-nin yeni seçilmiş Prezidenti Donald Trampla telefon danışığı aparıb.

Bu barədə “Report” Ermənistan KİV-ə istinadən xəbər verir.

Qeyd olunur ki, söhbət zamanı Paşinyan Trampı seçkilərdəki qələbəsi münasibətilə təbrik edib və Ermənistan-ABŞ münasibətlərinin hazırkı durumu və son illərdə baş verən proseslərlə bağlı təfərrüatları bölüşüb.

Məlumata görə, söhbət zamanı həmçinin regional gündəmdə olan məsələlərə də toxunulub.