​Olli Heinonen: "İran beynəlxalq nüvə mərkəzlərindən biri olacaq"

Bakı. 27 aprel. REPORT.AZ/ "Yaxın zamanda İran beynəlxalq nüvə mərkəzlərindən biri olacaq". "Report" İran KİV-inə istinadən xəbər verir ki, bunu Atom Enerjisi üzrə Beynəlxalq Agentliyinin (AEBA) baş direktorunun keçmiş müavini Olli Heinonen bildirib.

Tehranda keçirilən "Bölgədə geopolitik dəyişiklər kölgəsində fürsətlər və təhdidlər" beynəlxalq konfransda iştirak edən O.Heinonen İranın nüvə proqramı ilə bağlı aprelin 2-də İsveçrədə imzalanan razılaşma sənədinə də münasibət bildirib. Onun sözlərinə görə, AEBA-nın müfəttişləri İranın bir çox nüvə obyektlərini təftiş edib: "ABŞ və müttəfiqləri bu sənədlə İranın uranı zənginləşdirmə haqqını tanıdı".