Moldovada koronavirusa yoluxanların sayı 2 000-ə yaxınlaşdı

Moldovada koronavirusdan ölənlərin sayı 41-ə çatıb.

“Report” “RİA Novosti”yə istinadən xəbər verir ki, bunu ölkənin səhiyyə naziri Viorika Dumbrevyanu deyib. 

O bildirib ki, ölkədə qeydə alınmış virus hallarının sayı 1 934-ə yüksəlib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 2 001 000-i ötüb. Bunların 484 979 nəfəri sağalıb, 126 782 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.