Ukrayna Qara dənizdə Rusiyanın hərbi gəmisini vurub - YENİLƏNİB

Ukrayna Qara dənizdə Rusiyanın “Sergey Kotov” adlı hərbi gəmisini vurub.

“Report” UNIAN-a istinadən xəbər verir ki, bu barədə Ukrayna Baş Kəşfiyyat İdarəsinin sözçüsü Andrey Yusov bildirib.

Məlumata görə, “Sergey Kotov” 2017-ci ildən xidmətdədir, müasir gəmilərdən sayılır, dəyəri 60 milyon dollardan artıqdır.

Ukraynanın dəniz dronlarının hücumu nəticəsində Rusiyanın Krım sahillərindəki kateri batıb.

“Report” xəbər verir ki, bu barədə UNIAN məlumat yayıb.

Bildirilib ki, “Sergey Kotov” hərbi kateri dəniz PUA-larının gecə hücumlarının hədəfi olub.

Katerin şəxsi heyətinin taleyindən hələ ki xəbər yoxdur.