KİV: Aİ nazirləri bu gün Ukraynadan taxıl ixracını müzakirə edəcək

İyulun 25-də Brüsseldə Avropa ittifaqının (Aİ) kənd təsərrüfatı nazirləri Rusiyanın Ukraynanın limanlarına hücumları fonunda Ukrayna taxılının ixracı yollarını müzakirə edəcəklər.

“Report” xəbər verir ki, bu barədə Bloomberg məlumat yayıb.

Qeyd olunur ki, nazirlər Ukraynanın liman infrastrukturuna hücumlar nəticəsində Rusiyanın vurduğu zərərin qiymətləndirilməsini davam etdirirlər.

Rəsmi Moskvanın bu ay dördtərəfli (Ukrayna, Türkiyə, BMT və Rusiya) "Taxıl sazişi"ndən çıxması qlobal humanitar böhran təhlükəsi yaradıb.