Fransa Ermənistana 29 milyon avro ayıracaq - YENİLƏNİB

Fransa Ermənistana 29 milyon avro verəcək.

“Report” Ermənistan KİV-ə istinadən xəbər verir ki, bunu Fransanın xarici işlər naziri Stefan Sejurne İrəvana səfərinin yekunlarına dair mətbuat konfransında deyib.

Onun sözlərinə görə, bu vəsait Azərbaycan ərazilərini könüllü tərk etmiş ermənilər üçün nəzərdə tutulub.

XİN başçısı onu da qeyd edib ki, Fransa və Ermənistan müdafiə sahəsində əməkdaşlıq edəcək.

İrəvanda Ermənistan və Fransanın xarici işlər nazirləri Ararat Mirzoyan və Stefan Sejurne arasında danışıqlar olub.

“Report” xəbər verir ki, bu barədə yerli KİV-i Ermənistan Xarici İşlər Nazirliyinin (XİN) mətbuat xidmətinə istinadən məlumat yayıb.

Görüş təkbətək formatda keçirilib.