İranda hərbi helikopterin qəzaya uğraması nəticəsində dörd nəfər ölüb - YENİLƏNİB-2

İranın İsfahan vilayətinin Xamnə şəhərində hərbi helikopterin qəzaya uğraması nəticəsində həlak olanların sayı dörd nəfərə çatıb.

"Report" xəbər verir ki, bu barədə IRNA agentliyi fövqəladə hallar üzrə xidmətlərə istinadən məlumat yayıb.

İki pilot və iki sərnişinin həlak olduğu bildirilir.

Qəza texniki nasazlıq səbəbindən baş verib.

11:45

İranın İsfahan vilayətinin Xamnə şəhərində hərbi helikopterin qəzaya uğraması nəticəsində iki nəfər həlak olub.

"Report" xəbər verir ki, bu barədə xarici KİV məlumat yayıb.

10:51

İranın Xamnə şəhərində helikopter qəzaya uğrayıb.

"Report" xəbər verir ki, bu barədə "Tasnim" məlumat yayıb.

Hadisə meyvə-tərəvəz bazarı kompleksinin ərazisində baş verib.

Digər təfərrüatlar açıqlanmır.