Gürcüstan XİN başçısı gürcü xalqının demokratik seçiminə kölgə salınmasından narahatlığını ifadə edib

Gürcüstanın xarici işlər naziri Maka Boçorişvili müəyyən aktorların gürcü xalqının demokratik seçiminə kölgə salmasından narahatlığını ifadə edib.

"Report" xəbər verir ki, bu barədə nazir Macarıstanda səfərdə olarkən deyib.

O bildirib ki, müəyyən aktorların beynəlxalq müşahidə missiyalarına, onların müstəqil fəaliyyətlərinə təsir etmək üçün göstərdikləri böyük təzyiqlər narahatedicidir:

“Bütün bunlar beynəlxalq institutların reputasiyasına xələl gətirir və eyni zamanda, demokratiyanın inkişafına ciddi təhlükə yaradır”.