Gürcüstanda şəhər merinin evi qarət olunub - YENİLƏNİB

Gürcüstanın Rustavi şəhərinin meri İrakli Tabağua evindən oğurluq olması ilə bağlı yayılan məlumatlara münasibət bildirib.

“Report”un Gürcüstan bürosu xəbər verir ki, mer qarət olunan evin onun mülkiyyətində olmadığını deyib.

İ.Tabağua həmin evin babasına məxsus olduğunu bildirib. Mer evin anbarında məişət əşyalarının saxlandığını qeyd edib.

*** 14:21

Gürcüstanın Rustavi şəhərinin meri İrakli Tabağuanın Qori rayonunun Tortiza kəndindəki evindən oğurluq olub.

“Report”un Gürcüstan bürosu xəbər verir ki, oğrular ev əşyaları və mini traktor oğurlayıblar.

Faktla bağlı Cinayət Məcəlləsinin oğurluq maddəsi üzrə cinayət işi açılıb. 

Cinayəti törədənləri 4 ildən 7 ilədək həbs cəzası gözləyir.