Gürcüstanda aksiyalarda zorakılığa görə 9 nəfərə ittiham irəli sürülüb

Gürcüstanın paytaxtı Tbilisidə keçirilən etiraz aksiyalarında qrup şəklində zorakılığın təşkili, idarə olunması və iştirakına görə 9 nəfərə ittiham irəli sürüb.

"Report"un yerli bürosu xəbər verir ki, bu barədə Gürcüstan Prokurorluğu məlumat yayıb.

İstintaq müəyyən edib ki, onlar Rustaveli prospektində keçirilən mitinq zamanı qrup şəklində zorakılıqlar ediblər, nəticədə bir neçə şəxs yaralanıb. Həmçinin fiziki və hüquqi şəxslərin əmlakı zərər çəkib, Tbilisi bələdiyyəsinin infrastrukturu da zədələnib.

Saxlanılanlara 9 ilə qədər həbs cəzası verilə bilər.

İstintaq davam edir.