Gürcüstanda dollar bahalaşmaqda davam edir

Gürcüstanda milli valyuta olan larinin ABŞ dollarına qarşı ucuzlaşması tendensiyası davam edir.

“Report”un yerli bürosu xəbər verir ki, ölkənin Milli Bankının iyulun 25-nə müəyyən etdiyi məzənnəyə əsasən, 1 ABŞ dolları 2,9010 təşkil edir.

Bugünkü məzənnə ilə müqayisədə xarici valyutanın dəyəri 0,0039 lari artıb.

Avronun dəyərində isə nisbətən ucuzlaşma qeydə alınıb. Sabahkı məzənnəyə əsasən, 1 avronun dəyəri 0,0047 lari ucuzlaşaraq 3,2343 lari təşkil edib.