Gürcüstanda COVID-19-a yoluxanların sayı 898 mini keçib

Gürcüstanda son sutka ərzində koronavirusa 3 278 yeni yoluxma faktı qeydə alınıb, 3 890 nəfər müalicə olunaraq sağalıb, 53 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Qonşu ölkədə indiyə qədər COVID-19-a 898 079 nəfər yoluxub. Onların 844 875-i sağalıb, 12 879-u isə dünyasını dəyişib.