Ermənistanın keçmiş nazirinə qarşı yeni cinayət işi açılıb

Ermənistan Respublikaçılar Partiyasının sədr müavini, keçmiş təhsil və elm naziri Armen Aşotyan və onun partiya yoldaşlarına qarşı yeni cinayət işi açılıb.

“Report” Ermənistan KİV-ə istinadən xəbər verir ki, bu barədə ölkənin İstintaq Komitəsindən bildirilib.

O, vəzifə səlahiyyətlərindən sui-istifadə etmədə ittiham olunur.

Qeyd olunub ki, A.Aşotyan üçüncü şəxslərin məktəb binasının özəlləşdirilməsinə yardım edib.

Xatırladaq ki, Aşotyan 16 iyunda 2 ay müddətinə həbs edilib.