Ermənistanın baş naziri ilə Almaniya xarici kəşfiyyatının rəhbəri əməkdaşlığı müzakirə ediblər

Ermənistanın baş naziri Nikol Paşinyan Almaniya Xarici Kəşfiyyat Xidmətinin rəhbəri Bruno Kalı qəbul edib.

“Report” xəbər verir ki, bu barədə Ermənistan KİV-ləri məlumat yayıb.

Bildirilib ki, görüşdə iki ölkənin ixtisaslaşmış strukturları arasında əməkdaşlıq məsələləri müzakirə olunub.

N.Paşinyan və B.Kal regionlarda gedən proseslərlə bağlı fikir mübadiləsi aparıb və qarşılıqlı maraq doğuran geniş spektrli məsələlərə toxunublar.

Qeyd edək ki, daha əvvəl Ermənistanda da oxşar struktur yaradılıb. Bu ölkənin Xarici Kəşfiyyat Xidmətinə keçmiş hüquq müdafiəçisi Kristine Qriqoryan başçılıq edir.