Ermənistanda yol qəzasında 10 nəfər xəsarət alıb

Ermənistanda Dilican şəhəri yaxınlığında yol qəzası baş verib, nəticədə 10 nəfər xəsarət alıb.

Bu barədə “Report” Ermənistan KİV-ə istinadən xəbər verir.

Məlumata görə, “Mercedes Vito” markalı mikroavtobus ilə “VAZ-2121” markalı minik avtomobili Dilicanın qonşuluğunda olan Texut kəndində toqquşub.

“Hadisə nəticəsində 10 nəfər, o cümlədən uşaqlar yaralanıb. Müxtəlif dərəcəli bədən xəsarətləri alan şəxslər Dilican şəhər xəstəxanasına çatdırılıb”, - KİV yazıb.