Ermənistanda virusa yoluxanların sayı 226 459-a çatıb

Ermənistanda daha 71 nəfər COVID-19 pandemiyasına yoluxub.

“Report” xəbər verir ki, məlumatı ölkənin Səhiyyə Nazirliyi yayıb.

Məlumatda bildirilib ki, Ermənistanda virusa yoluxanların sayı 226 459-a çatıb. Ölkədə son sutkada daha 3 nəfər koronavirusdan ölüb. Bununla da koronavirusdan ölənlərin sayı 4 547-yə yüksəlib.

Nazirliyin yaydığı məlumatda qeyd olunub ki, koronavirusa yoluxan 217 731 nəfər sağalıb, 3 073 pasiyent müalicə olunur.