Ermənistanda əsgər ölüb, buna görə iki nəfər saxlanılıb - YENİLƏNİB

Ermənistanda əsgər ölümü ilə bağlı iki hərbçi saxlanılıb.

“Report” Ermənistan KİV-inə istinadən xəbər verir ki, bu barədə ölkənin İstintaq Komitəsindən bildirilib.

Qeyd olunub ki, onlar əsgər Jora Karapetyanı intihara vadar etməkdə şübhəli bilinirlər.

İstintaqın ilkin nəticələrinə əsasən, əsgərin intiharına digər hərbçilərin ona qarşı təzyiq göstərmələri səbəb olub.

10:55

Ermənistanda əsgər naməlum şəraitdə ölüb.

“Report” xəbər verir ki, əsgər Jora Zoqraboviç Karapetyanın ölümü barədə məlumatı Ermənistan Müdafiə Nazirliyi yayıb.

Onun aldığı güllə yarası nəticəsində öldüyü bildirilib.

Amma əsgərin hansı şəraitdə yaralanaraq ölməsi ilə bağlı məlumat verilməyib.

Faktla bağlı araşdırma aparılır.