Türkiyə lideri: “İlin əvvəlindən terrorla əlaqəsi olan 465 nəfər saxlanılıb”

“İlin əvvəlindən polis və jandarma bölmələrimizin keçirdiyi əməliyyatlarda terrorla əlaqəsi olan 465 nəfər saxlanılıb”.

“Report” xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində deyib.

“Təkcə son 5 gündə Suriya və İraqda terrorçulara qarşı həyata keçirdiyimiz hava əməliyyatları nəticəsində 114 hədəf vurulub, 78 terrorçu zərərsizləşdirilib”.