Əmək miqrantlarının Rusiyaya getməsi sadələşdiriləcək

Rusiya əmək miqrantların ölkəyə girişini sadələşdirməyi planlaşdırır.

“Report” xəbər verir ki, bunu Rusiya Baş nazirinin müavini Marat Xusnullin özünün instaqram səhifəsində paylaşıb.

Marat Xusnullin bu qərarın, inşaat sahələrində işçi qüvvəsi çatışmazlığı ilə əlaqəli olduğunu söyləyib. Hazırda Rusiyada inşaat sahələrində 1,5-2 milyon işçiyə ehtiyac var.

“Hazırda işçi çatışmazlığı mövcuddur. Düşünürəm ki, yaxın bir ayda işçilərin inşaat sahələrinə gətirilməsi prosedurunu yenə də sadələşdirəcəyik”.