Çin və Qırğızıstan strateji tərəfdaşlığa dair müqavilə imzalayıb

Çin və Qırğızıstan daimi mehriban qonşuluq, dostluq və əməkdaşlığa dair ikitərəfli müqavilə, hərtərəfli strateji tərəfdaşlığın inkişafı haqqında birgə bəyannamə imzalayıblar.

"Report" xəbər verir ki, bu barədə Qırğızıstan mediası məlumat yayıb.

Sənədləri Çin Sədri Si Cinpin və Qırğızıstan Prezidenti Sadır Japarov imzalayıblar.

S.Japarov qeyd edib ki, iki ölkə arasında əməkdaşlıq inkişafın qızıl dövrünə qədəm qoyub.

"Çin bizim mehriban qonşumuz, yaxın dostumuz və etibarlı tərəfdaşımızdır. Bu gün imzalanan mehriban qonşuluq, dostluq və əməkdaşlıq haqqında müqavilə hərtərəfli strateji tərəfdaşlığın gələcək inkişafı üçün möhkəm əsas yaradır", - o bildirib.