Britaniya kəşfiyyatı: "Ukrayna Xersonda hücum əməliyyatlarını davam etdirir"

"Ukrayna briqadaları Xerson vilayətində hücum əməliyyatlarını davam etdirir".

"Report" xəbər verir ki, bu barədə Böyük Britaniya Müdafiə Nazirliyi kəşfiyyat məlumatlarına əsasən bildirib.

"Ukrayna ordusu, çox güman ki, Darivka ərazisindəki körpünü dağıdıb. Bu körpü Dnepr çayı boyunca Rusiya ordusunun şimal və cənub sektorları arasında əsas marşrutlardan biridir. Ukrayna keçid məntəqələrini hədəf almaqla Rusiyanı təzyiq altında saxlayır. Bu, Rusiyanın tədarük imkanlarını azaldır", - məlumatda yazılıb.