BMTM-nin sədri: "Ermənistan öhdəlik sözünü qeyri-ciddi qəbul edir"

“Qars müqaviləsi hələ də qüvvədə olan bir sənəddir. Sənədin çox böyük əhəmiyyəti var”.

“Report”un xəbərinə görə, bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev “Qars Müqaviləsinin 100-cü ildönümündə Cənubi Qafqazda geosiyasi vəziyyət” adlı konfransda çıxışı zamanı deyib.

Daha sonra 10 noyabr Bəyanatından söz açan F.Şəfiyev bildirib ki, Ermənistan öhdəlik sözünü qeyri-ciddi qəbul edir: “Bir il hələ keçməyib, 10 noyabr Bəyanatının 9-cu bəndində yer alan Zəngəzur dəhlizinin açılması ilə bağlı məsələni başqa istiqamətə yozmaq istəyirlər. Buradan da görünür ki, onlar üçün öhdəlik deyilən bir anlayış yoxdur”.