Azərbaycandan I yarımildə Qazaxıstana 49 min ölkə vətəndaşı səfər edib - EKSKLÜZİV

Bu ilin I yarısında 48 714 Azərbaycan vətəndaşı Qazaxıstana səfər edib.

Bu barədə "Report"un yerli bürosunun sorğusuna cavab olaraq Qazaxıstan Daxili İşlər Nazirliyinin mətbuat xidmətindən bildirilib.

Məlumata görə, bu, ötən ilin eyni dövrü ilə müqayisədə 1 299 nəfər və yaxud 2,7 % çoxdur.

"Yanvar-iyun aylarında Qazaxıstanı 48 479 Azərbaycan vətəndaşı tərk edib, 2024-cü ilin eyni dövründə bu rəqəm 47 552 nəfər olub", - qurumdan əlavə ediblər.

Müvəqqəti daxili işlər naziri vəzifəsini icra edən Baurjan Alenovun məlumatına görə, I yarımildə Qazaxıstana 7,5 milyon əcnəbi daxil olub, 7,2 milyon nəfər isə ölkəni tərk edib.