Azərbaycan və Gürcüstan arasında müdafiə sahəsində əməkdaşlıq müzakirə olunub

Gürcüstanın müdafiə nazri İrakli Qaribaşvili Azərbaycanın bu ölkədəki səfiri Faiq Quliyevlə tanışlıq xarakterli görüş keçirib.

“Report”un yerli bürosu xəbər verir ki, bu barədə Gürcüstanın Müdafiə Nazirliyindən bildirilib.

Tərəflər iki ölkə arasında dost və strateji tərəfdaşlıq münasibətlərini vurğulayıblar.

Görüşdə Azərbaycan və Gürcüstanın müdafiə nazirlikləri arasıda əməkdaşlığın pozitiv dinamikası müzakirə olunub. Söhbət zamanı müdafiə sahəsində əməkdaşlıq sazişinin bağlanması və hərbi təhsil sahəsində əməkdaşlığın əhəmiyyətinə də toxunulub.

Görüşün sonunda gürcü nazir azərbaycanlı həmkarının Tbilisiyə səfər edəcəyinə ümidvarlıq ifadə edib.