Almatıda terror aktı hazırladıqlarına görə 5 əcnəbi həbs edilib

Almatıda 5 xarici vətəndaş terror aktı hazırladıqlarına görə həbs edilib.

"Report" yerli KİV-ə istinadən xəbər verir ki, bu barədə Qazaxıstanın Milli Təhlükəsizlik Komitəsi məlumat yayıb.

"Bundan başqa, cari ilin sentyabr və oktyabr aylarında terrorizmi təbliğ etməkdə şübhəli bilinən 8 Qazaxıstan vətəndaşı cinayət işi çərçivəsində həbs edilib", - məlumatda bildirilib.

İlin əvvəlindən bəri 6-sı xarici vətəndaş olan 89 nəfər bu cür cinayətlərə görə məsuliyyətə cəlb edilib.