Zelinska: “Ağdam regionun iqtisadiyyatının hərəkətverici qüvvəsinə çevrilə bilər”

“Bərpa edildikdən sonra Ağdam regionun iqtisadiyyatının hərəkətverici qüvvəsinə çevrilə bilər”.

Bunu “Report”a açıqlamasında Ağdamda keçirilən Azərbaycan Milli Şəhərsalma Forumunun iştirakçısı, Böyük Britaniyanın “Chapman Taylor” şirkətinin direktoru, memar Marselina Zelinska deyib.

“Lazım gələrsə, Ağdam şəhəri ilə bağlı baxışımızı məmnuniyyətlə təqdim edəcəyik. Bu şəhərin güclü iqtisadiyyata ehtiyacı var. O, regionun hərəkətverici qüvvəsinə çevrilə bilər. Bu şəhərin gəncləri cəlb etməsi üçün Ağdamda çoxlu məktəblər, universitetlər, biznes mərkəzləri olmalıdır. Ağdam inkişaf etmiş biznesi olan sənaye şəhərinə çevrilməlidir”, - o vurğulayıb.