Türkiyənin Azərbaycana hərbçi göndərməsi ilə bağlı layihə bu gün parlamentdə müzakirə ediləcək

Türkiyənin Azərbaycana hərbi qüvvələr göndərməsini nəzərdə tutan qanun layihəsi bu gün Türkiyə Böyük Millət Məclisində (TBMM) müzakirəyə çıxarılacaq.

“Report” xəbər verir ki, bu barədə məlumat “Milliyet” qəzeti yayıb.

Qeyd olunub ki, layihənin bu gün - Azərbaycanın Milli Dirçəliş Günündə müzakirəyə çıxarılması Türkiyənin Azərbaycana dəstəyinin növbəti ifadəsidir.

Xatırladaq ki, Türkiyə Azərbaycana hərbi qüvvə göndərəcək. Ölkənin Prezident Administrasiyası bununla bağlı qanun layihəsi hazırlayıb. Layihə Türkiyə Böyük Millət Məclisinə (TBMM) təqdim edilib.

Layihəyə əsasən, Türkiyə hərbçiləri 1 il müddətinə Dağlıq Qarabağdakı Rusiya-Türkiyə Birgə Monitorinq Mərkəzində fəaliyyət göstərəcəklər.