Rusiyanın XİN başçısı: "Erməni rəsmilər gərginlik yaradan bəyanatlar verməməlidir"

“Erməni rəsmilərinin Qarabağdakı siyasiləşmiş bəyanatları gərginlik yaradır. Məncə, bundan çəkinmək daha yaxşı olardı”.

“Report” xəbər verir ki, bunu Rusiya xarici işlər naziri Sergey Lavrov deyib.

“Biz artıq 44 günlük müharibədən öncə Qarabağdan və ya Qarabağla bağlı verilən bəyanatlara şahid olmuşuq: “Yeni müharibə - yeni ərazilər” (Ermənistan keçmiş müdafiə naziri David Tonoyanın sözlərini nəzərdə tutulur – “Report”). Sözlə material gücə çevrilir. Bu sözlər neqativ material gücə çevriliblər”, - XİN başçısı vurğulayıb.