Lavrov Ayvazyanla Qarabağla bağlı razılaşmaları müzakirə edib

Rusiya Federasiyasının xarici işlər naziri Sergey Lavrovun ermənistanlı həmkarı Ara Ayvazyan arasında telefon danışığı olub.

“Report” xəbər verir ki, bu barədə Rusiya Xarici İşlər Nazirliyinin mətbuat xidməti bildirib.

XİN rəhbərləri Rusiya, Azərbaycan və Ermənistan liderlərinin 10 noyabr 2020-ci il və 11 yanvar 2021-ci il tarixli müqavilələrinin icrasını, habelə 30 yanvar 2021-ci ildə Moskvada üç ölkənin hökumət başçısının müavinlərinin həmsədrliyi ilə keçirilmiş işçi qrupunun iclasının nəticələrini müzakirə ediblər.