ICESCO işğaldan azad olunan ərazilərdəki vəziyyəti araşdırmaq üçün ekspertlər təyin edəcək

“Biz qayıtdıqdan sonra komandamızı təşkil edəcəyik. Orada üzv ölkələrin nümayəndələri təmsil olunacaq. Həmiçinin qeyri-üzv ölkələrdən də orada nümayəndələr iştirak edəcək”.

“Report” xəbər verir ki, bunu ICESCO-nun Baş direktoru Salim bin Məhəmməd əl-Malik bu gün keçirilən brifinqdə deyib.

“Səfərin tarixi ilə bağlı hələ ki, heç nə deyə bilmərəm. Həftənin sonunda bununla bağlı ekspertləri təyin edəcəyik. Onların səlahiyyətlərini müəyyənləşdirməliyik. Biz ümid edirik ki, fevralın sonunda texniki komanda Azərbaycanın işğaldan azad olunmuş ərazilərinə səfər edəcək”, - o bildirib.