​İrəvanda Dağlıq Qarabağ münaqişəsində itkin düşənlərin məsələsi müzakirə edilib

Bakı. 4 fevral. REPORT.AZ/ "Neytral və müstəqil təşçkilat kimi Dağlıq Qarabağ münaqişəsi nəticəsində bölgədə itkin düşmüş 4500 adamın taleyinin araşdırılması ilə məşğuluq".

"Report" "RİA Novosti"yə istinadən xəbər verir ki, bunu Beynəlxalq Qırmızı Xaç Cəmiyyətinin Ermənistandakı təmsilçiliyinin rəhbəri Sara Eprext İrəvanda Ermənistan müdafiə nazirinin müavini David Tonoyanla görüşündə deyib.

Xatırladaq ki, ötən ilin oktyabrında Azərbaycan, Ermənistan və Fransa prezidentlərinin Parisdə keçirilən görüşü zamanı tərəflər Beynəlxalq Qırmızı Xaç Komitəsinin vasitəsilə münaqişə zamanı itkin düşən şəxslər haqqında məlumat mübadiləsi aparmaq barədə razılığa gəliblər.