Gürcüstanlı səyyahların ikinci nümayəndə heyəti Ağdama səfər edib

Gürcüstandan gələn səyyahların ikinci nümayəndə heyəti Ağdama səfər edib.

“Report”un Ağdama ezam olunmuş müxbiri xəbər verir ki, qonaqlar Ermənistan qoşunları tərəfindən dağıdılmış şəhərlə, həmçinin işğaldan azad edilmiş ərazilərdə aparılan bərpa işləri ilə tanış olublar.

Səfər zamanı qonaqlar bərpa edilmiş Ağdam Məscidini və Şəhidlər Xiyabanını ziyarət edib, şəhərin işğaldan və dağıdılmasından əvvəlki tarixi fotoşəkilləri ilə tanış olublar.

Qeyd edək ki, Gürcüstandan Azərbaycana üç qrup səyyah gəlib. Səfərin məqsədi regionda tikinti-bərpa işləri ilə tanış olmaqdır.

Səyyahların azad edilmiş ərazilərə səfəri oktyabrın 22-də başa çatacaq.

FOTO: Ehtiram Cəbi