BMT agentliklərinin nümayəndələri Ağdamda aparılan bərpa işlərinin gedişi ilə tanış olublar

BMT-nin bir sıra agentliklərinin nümayəndələri Ağdamda aparılan bərpa işlərinin gedişi ilə tanış olublar.

“Report” xəbər verir ki, onlara həyata keçirilən layihələr barədə ətraflı məlumat verilib.

Bildirilib ki, şəhərin təhsil mərkəzinə çevrilməsi planlaşdırılır və bu təşəbbüslər çərçivəsində Ağdamda Qarabağ Universitetinin açılışı da nəzərdə tutulub.

Bundan başqa, Ağdamda ən müasir standartlara cavab verən “İmarət” stadionunun tikintisinin həyata keçiriləcəyi qonaqların diqqətinə çatdırılıb.

Xatırladaq ki, martın 16-da Ağdamda Azərbaycan hökuməti ilə BMT-nin yerli nümayəndəlikləri arasında İllik Yüksək Səviyyəli Strateji Məsləhətləşmələrin növbəti raundu keçirilib.