Bakı. 24 fevral. REPORT.AZ/ Xocalı faciəsinin 23-cü ildönümü münasibətilə Xətai İncəsənət Mərkəzində balaca rəssamların əl işlərindən ibarət sərgi açılıb.
"Report" xəbər verir ki, sərgidə Xətai İncəsənət Mərkəzinin rəsm dərnəklərində fəaliyyət göstərən rəssamların rəsm əsərləri nümayiş edilib.
30-dan çox kiçik yaşlı rəssamın iştirak etdiyi rəsm sərgisində Xocalı soyqırımını anladan rəsmlər, portretlər sərgilənib.
Sərginin açılışından sonra sərgi iştirakçıları və qonaqlar "Ana harayı" abidəsini ziyarət edib, abidə önünə tər güllər düzüblər.