Deputat: "Şuşa Dövlət Mədəniyyət və İncəsənət Universiteti təsis edilməlidir"

“Şuşa şəhərində Şuşa Dövlət Mədəniyyət və İncəsənət Universiteti təsis edilməlidir. Orada təhsil alan şəxslərin mədəniyyətimizə töhvə verməsi daha doğru olar”.

"Report"un xəbərinə görə, bu təkliflə Milli Məclisin deputatı Fəzail Ağamalı parlamentin bu gün keçirilən plenar iclasında çıxış edib.

Onun sözlərinə görə, Şuşanın ən görkəmli yerində hərbiçlərimizin xatirə kompleksi də yaradılmalıdır:

“Bizim xalqımız əlbəttə ki, Azərbaycanın qəhrəman şəhidlərinin, qazilərinin xatirəsini hər zaman qəlbində saxlayacaq”.