Milli Məclisin deputatı Latviyada seçkiləri izləyəcək

Bakı. 3 oktyabr. REPORT.AZ/ Milli Məclisin deputatı, Azərbaycan-Latviya parlamentlərarası əlaqələr üzrə işçi qrupun rəhbəri Kamran Bayramov oktyabrın 4-dən 7-dək Riqa şəhərində səfərdə olacaq, Milli Məclisin xətti ilə beynəlxalq müşahidəçi qismində Latviya Seyminə keçiriləcək seçkiləri müşahidə edəcək.

Parlamentin mətbuat xidmətindən "Report"a verilən məlumata görə, deputat öncə seçkilərə hazırlığın vəziyyəti ilə tanış olacaq.

O, oktyabrın 6-da seçki prosesini müşahidə edəcək, demokratik qaydalara riayət edilməsinə, seçicilərin hüquqlarının təmin olunmasına, vətəndaşların fəallığına diqqət yetirəcək, səslərin hesablanması prosesini izləyəcək.