Parlamentdə "Qərbi Azərbaycan: Xəritələr, eksponatlar, abidələr, deportasiya" adlı sərgi keçirilib

Milli Məclisdə "Qərbi Azərbaycan: Xəritələr, eksponatlar, abidələr, deportasiya" adlı sərgi keçirilib.

"Report" xəbər verir ki, sərgi Qərbi Azərbaycan İcmasının təşkilatçılığı ilə baş tutub və 30-dan çox eksponat nümayiş etdirilib.

Sərgidə Milli Məclisin deputatları və icma üzvləri iştirak ediblər.

Sərgidə Qafqaz regionunun Baş xəritəsi (1858-ci il), ətraflı xəritəsi (1869-cu il), İrəvan Qalasının xəritəsi və açarlar, bayrağı, xalçası, dağıdılmış Azərbaycan abidələri, Xan sarayının görüntüsü nümayiş etdirilib. Eyni zamanda Ermənistan SSR-də azərbaycanlı əhalinin ümumi say tərkibində nisbəti (1970-ci ilin məlumatları əsasında) verilib.