“Mediasiya haqqında” qanunun qüvvəyə minmə vaxtı uzadılır

“Mediasiya haqqında” qanunun 2021-ci iyulun 1-dən qüvvəyə minməsi nəzərdə tutulurdu. Ancaq qanuna hazırda dəyişikliklər edilir və üç oxunuşda qəbul edilməlidir”.

“Report”un xəbərinə görə, bunu Milli Məclisin sədrinin müavini Əli Hüseynli parlamentin bu gün keçirilən iclasında “Mediasiya haqqında” qanun layihəsinin I oxunuşda müzakirəsi zamanı deyib.

Onun sözlərinə görə, həmin qanun layihələri qəbul edildikdən sonra Prezident İlham Əliyev tərəfindən təsdiqlənəcək:

“Bununla da Prezident tərəfindən dəyişikliklər nə zaman təsdiq olunsa, o zaman da qüvvəyə minəcək”.