Azərbaycanda fəaliyyətə başlayan otellər 6 ay ərzində ulduz kateqoriyası alacaqlar

Azərbaycanda fəaliyyətə başlayan otellər 6 ay ərzində ulduz kateqoriyası alacaqlar Azərbaycan ərazisində fəaliyyət göstərən hər bir mehmanxana (otel) fəaliyyətə başladığı tarixdən 6 (altı) ay ərzində ulduz kateqoriyası əldə edəcəklər.
Milli Məclis
111
14 Dekabr , 2021 13:03
Azərbaycanda fəaliyyətə başlayan otellər 6 ay ərzində ulduz kateqoriyası alacaqlar

Azərbaycan ərazisində fəaliyyət göstərən hər bir mehmanxana (otel) fəaliyyətə başladığı tarixdən 6 (altı) ay ərzində ulduz kateqoriyası əldə edəcəklər.

"Report"un xəbərinə görə, bu, "Turizm haqqında" qanun layihəsində əksini tapıb.

Qeyd edilib ki, mehmanxanaların (otellərin) ulduz kateqoriyalarının müəyyən edilməsi “Uyğunluğun qiymətləndirilməsi sahəsində akkreditasiya haqqında” qanuna uyğun olaraq akkreditasiya edilmiş uyğunluğu qiymətləndirən qurumlar tərəfindən müvafiq icra hakimiyyəti orqanının müəyyən etdiyi orqanın (qurumun) müəyyən etdiyi mehmanxanaların (otellərin) ulduz kateqoriyaları üzrə qiymətləndirmə meyarları əsasında həyata keçirilir.

Yerləşmə vasitələrində yerləşmə xidmətindən istifadə edən şəxslərin elektron qeydiyyatı aparılmalıdır. Yerləşmə vasitələrində yerləşmə xidmətindən istifadə edən şəxslərin elektron qeydiyyatının aparılma qaydasını müvafiq icra hakimiyyəti orqanının müəyyən etdiyi orqan (qurum) müəyyən edir.

Qanun layihəsi müzakirələrdən sonra səsverməyə çıxarılaraq I oxunuşda qəbul edilib.

Son xəbərlər

Orphus sistemi